INTRO

என்ன வாழ்க்கைடா இது...
உன் முகம் பார்த்து பேசியதில்லை
உன் காதல் பார்வை கண்டதில்லை
உன் கதகதப்பு உணர்ந்ததில்லை
உன் வாசனை தெரிந்ததில்லை
உன் முத்தங்களின் ஈரம் பட்டதில்லை
பார்த்ததும், உணர்ந்ததும், தெரிந்ததும்
உன் உள்ளம் மட்டுமே - இருந்தும்
நீ வருவாய் என என் தேடலும்,
எதிர்பார்ப்பும் நீடித்துக் கொண்டே இருக்கும்
உன் முகம் காணும் வரை - அதுவரையில்
உனக்கு எழுதிய, எழுதும் சில
காதல் கவிதைகள் நீ
வாசிப்பதற்காக மட்டுமே திறக்கப்படும்...
சில மனதின் பக்கங்களில் மறைக்கப்பட்டும்,
பல இங்கு பகிரப்பட்டும் என்றாவது இவை
உன்னிடம் வெளிபடலாம் அன்று
என் காதல் அடுத்த நிலையை அடைந்திருக்கும்.... - இருந்தும்,
ஏனோ கனவுகள் சுமந்த
எழுத்துக்களிலும், உணர்வுகள் சுமந்த
வார்த்தைகளிலும் மட்டுமே இருந்து
தீட்டப்படாத ஓவியமாய் ஆனது -
" நம் காதல்"